A Mostra Internacional de Teatro (MIT) de Ribadavia celebrará a súa XXXI edición entre os días 18 e o 25 de xullo apostando pola mestura de linguaxes artísticas e pola dramaturxia contemporánea. O evento achegaralle ao público galego o traballo de destacadas formacións internacionais xunto coas últimas propostas de compañías galegas.

En líneas xerais esta 31 edición serían a hibridación de linguaxes, xéneros e disciplinas artísticas e a escrita dramática actual. Tal consideración é constatable nun programa que aposta por creacións que renovan a gramática do espectáculo escénico e que nos esixen estar en alerta como espectadores ó se transgredir convencións ou ó enlazar etiquetas a través a danza co cine e a pintura (A Veronal); maquetas, vídeo-proxeccións, manipulación de vídeo en tempo real e performers (Agrupación Sr Serrano); circo con teatro de obxectos (A Güasa) ou incluso espectáculos que se presentan como un dispositivo escenográfico, un terrario dende o cal o espectador observa a vida duns artistas (Vivarium, do francés Philippe Quesne). En canto á autoría dramática contemporánea, hai que destacar que tódolos espectáculos son de autores actuais (Josep M. Ollou i Coromina, Cristian Ceresoli, Marius von Mayenburg, Lorena Romanín, Manuel Cortés, etc.) tanto nacionais como internacionais, o que resalta a prioridade manifestada tamén coa convocatoria do 10º Premio Abrente da MIT de "escribi-la escena do presente.

O director da MIT, Roberto Pascual, destacou que o risco ten que ser un dos deberes principais da dirección artística dun festival teatral, sen perder de vista a dimensión pública e popular, pois o risco tamén se manifesta na vontade de facilitar e favorece-lo acceso ó teatro a tódolos públicos, sen barreiras elitistas nin perjuicios sobre os gustos, ofrecendo tamén ó público infantil propostas escénicas igualmente contemporáneas, innovadoras e sorprendentes, como son as pezas "MOBIL" da Güasa, "Palabras de Caramelo", de Títeres María Parrato ou "Rudo", espectáculo circense musical e de títeres na carpa ó aire libre de Manolo Alcántara. Tamén destacou o director a coherencia e o coidado nos detalles que rodean á exhibición como un dos valores do festival, como son os foros de debate, os cursos e tódalas actividades paralelas, xunto coas xuntas dos profesionais na que tamén é a súa casa, a MIT de Ribadavia.

A venda de entradas para os espectáculos xa está operativa na páxina web www.ataquilla.com

Teléfono de atención ao usuario e reserva de abonos para o Castelo (ata o 10 de xullo): 988 470 043.

Toda a actualidade da mostra está a disposición na web:

www.mitribadavia.com/actualidade e no seu espazo en Facebook:http://www.facebook.com/pages/MIT-Mostra-Internacional-de-Teatro-Ribadavia/273998606856

Reserva de Entradas:
As entradas poden mercarse na oficina da MIT, situada na rúa García Penedo, ao lado da praza Maior de Ribadavia. Os tickets poden comprarse a través do servizo de venda de localidades de A Taquilla.com, na páxina:,   https://entradas.ataquilla.com/ventaentradas/es/12-teatro    ou no teléfono 902 504 500. Tamén se poderán mercar entradas xusto antes dos espectáculos. Para as funcións do Castelo, previstas para as 23.00h., a taquilla estará aberta desde as 21 ás 22.30h.
Os prezos son os seguintes:
- Espectáculos para público adulto: Xeral 7€, reducida (persoas en situación de desemprego e estudantes) 5€.
- Espectáculos con prezo especial (Inauguración: Siena, de La Veronal): Xeral 10€, reducida (persoas en situación de desemprego e estudantes) 8€