Esta adega, propiedade do colleiteiro Rafael Gómez Domínguez foise adaptando ás novas tecnoloxías, incorporando elementos que axudaron á súa modernización, baseándose fundamentalmente nunha aposta pola calidade e a personalidade.
As súas uvas, procedentes dos seus propios viñedos son coidadosamente seleccionadas e transportadas á adega o máis rápido posible para que cheguen nas condicións óptimas. A fermentación realízase en depósitos de aceiro inoxidable e contrólase a través dun equipo de frío.

Viños que comercializa:
Castro Rei Blanco:
Elaborado coas variedades propias da zona (treixadura, lado, palomino, loureira e torrontés), cultivadas en espaldera, nun chan limo-arxiloso. Especialmente recomendado para consumir con pescados e mariscos. Grao alcohólico 11º. Recoméndase servir preferentemente a 9º.
Castro Rei Tinto:
Elaborado coas variedades propias da zona (garnacha, brancellao, caiño e sousón), cultivadas en espaldera nun chan limo-arxiloso. Especialmente recomendado para consumir con carnes e caza. Grao alcohólico 10,5º. Recoméndase servir preferentemente a 12º.
Os últimos Premios con Divino Rei son:
Ano 2008 Primer Premio Blancos Cata Oficial
Ano 2009 Mención de Honra Cata Popular
Ano 2010 2º Premio Blancos Cata Oficial, 3º Premio en tintos Cata Oficial e Gañador da Cata Popular.