Viñas Farnadas, é un viño branco que xunta tradición e deseño. Recentemente foi premiado coas distincións de Gallaecia 2006 no apartado de Ribeiros brancos.
A adega, propiedade dun avogado galego en Madrid, chamado Lorenzo Rolando de Francisco, está deseñada polo mesmo arquitecto que asinou a do deseñador Roberto Verino en Monterrey, destaca como elemento máis singular un torreón de pedra nunha superficie de 1.500 metros cadrados entre Beade e Leiro.
Fixeron unha gran aposta polas grandes variedades autóctonas -o 85% de Viña Farnadas é treixadura, xunto con godello, torrontés e loureira- e uns escrupulosos métodos de elaboración, para unir modernidade tecnolóxica ó saber acumulado na zona durante séculos.
Dispón de 12 hectareas de cepa en espaldera, esta colocación das cepas, ten un claro obxectivo, o de asegurar unha maior ventilación e o seu óptimo grao de maduración para dar unha uva cun gran pequeno para dar un viño aromático, fresco e complexo.