|
|
Exposición
de Fotografías de José Ortiz Echagüe |
Dende
o día 14 de febreiro e ata o 26 de marzo, poderemos disfrutar
de esta exposición
no Museo Etnolóxico, co título "Mulleres, tipos
e estereotipos".
José Ortiz Echagüe (Guadalaxara 1986-Madrid 1980),
foi fotógrafo afeccionado e apaixonado, considerado un
destacado representante do pictorialismos fotográfico español.
En tanto que nas súas fotografías tenta deixar plasmada
a España sen cambios, a España tradicional, na súa
actividade profesional participou nos avances tecnolóxicoa
do momento: foi fundador da empresa Construcciones Aeronáuticas
(CASA) e directivo da empresa automobilística Seat, onde
foi nomeado presidente en 1950.
É de destacar a súa técnica ao carbón
directo sobre papel Fresson coa que conseguía suavizar
os contornos e resaltar os detalles, dando mostras dunha grande
meticulosidade.
As fotografías que contremplamos teñen moito de
artesanal, o cal se aprecia nunha primeira ollada. A intencionalidade
artística queda reflectida en tódolos factores que
conforman a imaxe: na selección do escenario, na composición
ou na creación do cadro. A posta en escena, non exenta
de dramatismo e a maior parte das veces sen referencias espazo-temporais,
trasluce un espírito mitificador dunha realidade que non
é tal senón que é bastante máis dura;
esta realidade non asoma por ningures, máis a súa
propia ausencia é un documento de destacado valor histórico.
As fotografías pretencentes á serie España:
tipos y trajes , das que aquí expomos tan só unha
pequena parte, eran en orixe 217 copias en papel. a mostra que
ofrece esta sala itinerante está composta por 47 reproduccións
dos orixinais.
Este fotógrafo en 1936 colaborou nun número especial
que National Geographic dedicou a España, e dous anos despois
unha selección das súas obras foi exposta no pavillón
español da Exposición Internacional de París.
Con anterioridade, a súa producción recibira xa
varios premios Internacionais con exposicións en Turín
(1928) e Berlín (1929). |
|