Convento e Igrexa de Santo Domingo

O convento de Santo Domingo de Ribadavia, está reputado como un dos máis antigos da Orden de Galicia, e a súa fermosa e ampla igrexa, de estilo, gótico, como unha das mellores que a mesma Orden tiña na rexión, sendo moita a semellanza polos seus ábsides coa tan celebre de Pontevedra ou con outra existente na vila portuguesa de Caamiña. É ademáis o templo de Ribadavia, que merece entusiastas loubanzas por parte de todolos visitantes desta poboación. A igrexa, é de estilo oxival, con detalles de románico e ten toda a gallardía e emplitude interior propias de aquela clase. Consta de tres grandes naves, terminadas por tres fermosas capelas, que constituen os seus ábsides, nos seus muros ábrense rasgados ventanais góticos, e ostenta ó interior altas e esbeltas columnas, con fermosos  capiteis,   ricamente  exornados  con  figuras

		tomadas do reino vexetal e animal, entre eles os de varios monstruos. De esas columnas arrancan arcos apuntados na nave central, e de medio punto nas laterias, sobre as que descansa o teito de madeira de todas elas. O ábside central ou capela maior forma un pongono de cinco lados na parte exterior, con dúas fiestras oxivais aximezadas, una inferior e outra superior, en cada lado. Os ábsides laterais están tamen adornados ó interior con fermosas columniñas cos seus correspondentes capiteis e teñen tres ventanais cada un.

É notable no evanxelio o frontal do altar, que é de pedra perfectamente tallada, formando un fermoso dibuxo, que chama a atención del calquer observador . Estos ábsides, teñen bóvedas de abanico, non así as naves da igrexa, que se atopan cubertas  por  un  teito  de  madeira.  A  porta  pincipal  que  ata  1903,   permaneceu

pechada, é de estilo gotico e abocinada. Sobre a porta atópanse tres escudos ou pedras de armas, ó centro o Real de Castela e León, a un lado o do Conde de Ribadavia cos seus trece roeis e o outro carón o do Obispo Fray Alfonso de Cusanca, Prior que fora do convento. Remata a fachada unha fermosa cruz calada sobre un cordeiro que lle serve de base, e por debaixo do rosetón corre en todo o longo de aquéla una imposta ou faixa. Esta igrexa abre os domingos e cando hai enterros ou cabodanos.