| |
|
 |
Emprazándose
a ambas marxes do río Arnoia, a capitalidade é ostentada
por Outeiro Cruz. É de destaca-la igrexa parroquial de San
Salvador, fundada no ano 1612, o seu retablo, de construcción
popular, é obra dun carpinteriro da localidade. Sobresae
nesta igrexa unha bella fiestra de estilo románico, procedente
segundo asemella da capela que existía con anterioridade
no mesmo lugar.
Nas proximidades atópase cásaa rectoral, antigo Priorato
que dependía do Mosteiro de Celanova. Este municipio conta
con diversas capelas, San Roque ou San Vicente, século XVIII,
A nosa Señora da Asunción en Lapela, San Antonio en
Remuiño, San Amaro no pobo do mesmo nome, con bóveda
de pedra no presbiterio de estilo románico e por último
San Miguel. |
 |
Existen
ademais, edificios notables como A Casa do Inquisidor en Remuiño,
que ostenta un escudo coas armas da Inquisición, Casa dos
Valdes en Outeiro Cruz, con escudo heráldico dos Armada,
Araujo e Feijoo. Mención aparte merece a famosa torre do
reloxo asentada en San Roque, obra do século XX.
Unha das maiores ofertas turísticas que presenta este municipio,
é a oferta termal, coa construcción fai poucos anos
dun complexo balneario-hotel
de tres estrelas e un gran restaurante con cociña típica.
O Balneario está dotado de modernisimas instalacións
que permiten ademais dos tratamentos terapéuticos unha cura
anti-estrés. Todo isto rodeado dun bello paisaxe de bosques
e auga, contando cun embarcadeiro para embarcacións de recreo
e dun catamarán para poder deleitar dos famosos meandros
da zona. |
 |
 |
Con referencia ás festas temos que facer mención á
famosa "Festa do Pemento", cuia fama foi medrando dende
a súa primeira edición no ano 80, gracias á
gran colaboración cidadá coa que conta. Nela
degústanse os pementos do municipio, preparados de distintas
formas, dende fritos, ata en tortilla, realizados polos veciños
para transformalos nun agradable manxar.
Programa da XXVI FESTA DO PEMENTO (do 3 ao 5 de Agosto 2007) |
|
