Outros Concellos da denominación de Orixe Ribeiro

Outro dos concellos que pertence na súa totalidade á Denominación de Orixe Ribeiro, é Punxín. Deste municipio podemos destaca-lo sarcófago de San Wintila, de orixe pre-románico. A igrexa de estilo románico de Ourantes, aínda que con obras de barroco, conta cun peto de ánimas. De Ourense os municipios que pertencen a esta denominación de orixe son Santa Cruz de Arrabaldo e Untes, do primeiro, falar do Pazo de Ramirás, construído no século XVIII, conserva a súa capela, columnas e torre, posúe escudos con armas de distintas familias (hoxe en día destínase a Clube de Tenis). Do Concello de boborás pertencen á denominación ribeiro, as parroquias de Alvarello, Cameixa, As Laxas, Moldes e Pazos. Visitar neste concello a igrexa de San Martiño de Cameixa, cun

reloxo de sol e o seu ábside románico. Do concello de Toén, pertencen, Alongos, Feá, Puga, Igrexa de Puga e Celeiro. Destacamos na parroquia de Feá a súa igrexa románica que data de finais do século XII, que foi antigo priorato do Mosteiro Benedictino de Celanova. En Puga o Pazo do Olivar. Do concello de Carballiño: Banga, Cabanelas e Varón. E por último o pobo de Touza no concello de San Amaro.

Estes son tódolos pobos que a Denominación de Orixe Ribeiro considera aptos para a producción de uva das variedades autóctonas especificas, segundo o B.O.E. nº 47 de 24/02/1976.