Concello Carballeda de Avia

Situada na marxe dereita do río Avia, sendo Pena Corneira o seu punto de maior altitude, coas súas famosas pedras ou Bolos de gran tamaño (interesante divisa-la comarca dende este punto para tomar unha referencia da súa extensión). O concello ten unha amplitude de 46 km2, agrupado en 8 parroquias, San Miguel de Carballeda, San Andrés de Abelenda dás Penas, San Martiño de Balde, San Pedro de Beiro, San Cosme de Faramontaos, San Julián de Muimenta, San Estevo de Novoa e Santa María de Vilar de Condes. A temperatura media anual é de 14 graos e a súa pluviometría entre 800 e 1000 litros por m2. Con relación á súa arquitectura podemos destaca-la igrexa románica en Muimenta e os seus famosos Canastros, a igrexa de

Abelenda dás Penas, que se chegou a relacionar coa orde dos Templarios, de orixe románico, nas súas proximidades cruceiro do século XVII e xacemento romano. En San Pedro de Beiro, igrexa e casa do Priorato. En Carballeda ermita da nosa Señora do Lodairo, de orixe románico de transición ó gótico, con peto de ánimas próximo,un dos mellores da comarca. Por último facemos fincapé na igrexa máis notable de Carballeda de Avia, edificada seguindo páutalas do barroco, a igrexa de San Miguel. Unha das festas con maior arraigo é a celebrada dende fai moitos anos, en Veronza, na que se solta un globo de papel de gran tamaño confeccionado por tódolos nativos do municipio.